將菠菜、鮮冬菇切碎備用（菠菜切碎後最好用鹽抓一下）
將切碎嘅鮮冬菇先用油、薑、鹽、雞粉、胡椒粉爆炒一下。
煮開水後放入冬菇先滾幾下，然後調味
大火🔥時加入菠菜攪幾下，再加入豆粉水攪拌，見湯汁呈透明狀滾動後關火🔥，然後慢慢加入蛋水靜待兩分鐘，嗯，搞掂。
食時加入幾滴美極鮮醬油，嗯，一碗鮮味清新菠菜鮮冬菇蛋花羹就完成啦😋
菠菜用鹽抓下再放入湯會比較有口感。
菠菜如果要同豆腐一起食嘅話，首先要將菠菜用開水燙一下，把草酸去除，避免同豆腐中的鈣結合產生草酸鈣難以溶解，影響人體對鈣嘅吸收，長期食用會容易導致結石。