晚上睇“鼎爺廚房”介紹依道菜式，大少睇到後好恨食😂，第二日我偷偷哋整咗依個菜😜，認真係功夫菜，從洗到煮好起碼五個鍾少不了，但傳統功夫菜有佢嘅特色，入味皮爽肉滑唔油膩😋👍（我用咗黑毛豬🐷特別正😂）
將豬手洗凈放入冷水鍋內，開火慢慢汆水，水滾後20分鐘後熄火
將汆過水嘅豬手倒入冷水盆裏，打開水喉將豬手一塊一塊清洗，務必將豬手嘅血水清洗乾淨，再用刀將豬皮刮洗乾淨，第二次汆水係煲滾水後放豬手入鍋煲5分鐘，熄火再將豬手倒入冷水盆裏清洗一次。
先將浸好嘅黃豆煲淋（水放多少少煲半個鍾），再放上洗好嘅豬手係上面（水最好浸過豬手），煲45分鐘。
煲至45分鐘後熄火，焗一個鍾（不要開蓋）
減菜洗凈斜切片備用
焗好一個鍾後開蓋，將減菜一片片鋪係豬手上面，然後蓋上煲蓋再煲10分鐘熄火。
熄火後再焗20分鐘
夠鍾，可以開吃啦😜😋😂
豬手一定要畀啲時間清洗乾淨，第一次用冷水倒入豬手開火汆水，汆完水後將豬手浸係冷水盆裏慢慢一塊塊洗乾淨，順便將豬手嘅血水浸洗乾淨，第二次汆水，煲滾水後將豬手倒入，滾5分鐘後再倒入冷水盆裏清洗，兩次汆水更好地將豬手嘅異味去除，浸過兩次冷水後嘅豬皮口感爽口彈牙。